Plan de implementación

Culleredo Vivo é a Estratexia de Desenvolvemento Urbano Sustentable Integrado para o municipio de Culleredo que, durante os próximos anos, aspira a facilitar a acción urbanística, económica, ambiental, cultural, social e de goberno da cidade.

Culleredo Vivo conseguiu o apoio financeiro da Unión Europea a través da primeira convocatoria para a selección de Estratexias de Desenvolvemento Urbano Sustentable e Integrado no marco do programa operativo do Fondo Europeo de Desenvolvemento Rexional (FEDER) de Crecemento Sustentable 2014-2020. O orzamento total da estratexia é de 3.925.068,00 euros, e a axuda do Fondo Europeo de Desenvolvemento Rexional (FEDER), dun 80%, ascende a 3.140.054,40 euros, mentres que a achega municipal é de 785.013,60 €.

Que persegue a estratexia Culleredo Vivo?

assets_Artb - 26

Aumentar a introdución e o uso das TIC

Converter Culleredo nun concello cun alto nivel de penetración e uso das TIC, incluído na relación da poboación coa Administración, co desenvolvemento de infraestruturas e a adquisición de competencias dixitais pola cidadanía que melloren a competitividade territorial.

assets_Artb - 24

Respectar e protexer o medio

Respectar e protexer o medio e maximizar o uso dos recursos naturais (fundamentalmente os fluviais) e o respecto ambiental como elementos de sustentabilidade e vertebración da cidade de Culleredo, coa mellora da conectividade interna do territorio mediante a promoción de medios de transporte seguros e ecoeficientes.

assets_Artb - 25

Mellorar o atractivo da cidade

Mellorar o atractivo de Culleredo mediante a potenciación dos elementos fundamentais da súa identidade: Culleredo e a súa riqueza patrimonial; Culleredo como zona de esparexemento da área metropolitana; e Culleredo como un lugar para investir, e comprar e vivir.

Que actuacións se teñen previsto implementar?

O Goberno municipal articulou seis liñas de actuación para impulsar a implantación do uso das tecnoloxías da información e a comunicación (TIC), e a rehabilitación urbanística, económica e social do municipio de Culleredo

  • iconos_cull__Artb - 7iconos_cull__Artb - 7
    Culleredo cidade smart: co obxecto de avanzar cara a un modelo de cidade intelixente, crearase unha rede de puntos de acceso dixital e unha plataforma de aplicacións de Administración electrónica.
  • iconos_cull__Artb - 12iconos_cull__Artb - 12
    Trama urbana e rede peonil: desenvolverase, por unha banda, unha trama viaria sustentable que facilite o tránsito urbano seguro de toda a cidadanía, especialmente nenas e nenos, e por outra banda, unha rede de corredores fluviais que conecten o núcleo urbano de Culleredo con puntos de interese do patrimonio natural e cultural.
  • iconos_cull__Artb - 11iconos_cull__Artb - 11
    Mellora da transición entre a cidade e as zonas industriais, a permeabilidade urbana e o patrimonio industrial: levaranse a cabo actuacións que incidan na redución do impacto das actividades industriais nos contornos urbanos máis próximos, que continúen cos traballos de descontaminación dos terreos da antiga Fábrica de Cros e que favorezan a permeabilidade urbana.
  • iconos_cull__Artb - 16iconos_cull__Artb - 16
    Dinamización social e económica: promoveranse actuacións que convertan os centros sociais en espazos de intervención e participación social.
  • iconos_cull__Artb - 20iconos_cull__Artb - 20
    Transporte eficiente e ecolóxico: porase especial atención a fórmulas de transporte colectivo baixo demanda.
  • iconos_cull__Artb - 8iconos_cull__Artb - 8
    Posta en valor do patrimonio medioambiental e cultural no contorno do Camiño de Santiago: porase en valor o patrimonio natural ligado ao Camiño de Santiago.